ಮದುವೆ

ಮದುವೆಯಲಿ ಹೆಣ್ಣಿಗೆ ಸಿಗುವ 

ಸಮ್ಮಾನ ಸೌಭಾಗ್ಯವದು ತಾಳಿ/

ಪ್ರತಿಹೆಣ್ಣು ಬದುಕಿನಲಿ ಬಯಸುವ 

ಅತಿಮೌಲಿಕ ವಸ್ತುವದು ತಾಳಿ/

ಸಂಸಾರವೆಂಬ ಹಸಿರ ಕನಸಿಗೆ 

ಬಾಗಿಲು ತೆರೆದಿರಿಸುವದು ತಾಳಿ/

ಹೃದಯಗಳ ಬಂಧದ ಬೆಸುಗೆಗೆ

ಕೊಂಡಿ ಆಗುವದಿದು ತಾಳಿ/

ಸುಮಧುರ ಪ್ರೀತಿಯ ನಂಟಿಗೆ 

ಶಾಶ್ವತ ಆಧಾರವದು ತಾಳಿ/

ಮಹಿಳೆಯ ಮಾನದ ರಕ್ಷಣೆಯ 

ದ್ಯೋತಕ ಅಹುದಲ್ಲವೆ ತಾಳಿ/

ಸಂಪ್ರದಾಯದ ಸಂಕೇತ ಪತಿಯ 

ಪ್ರೀತಿಗೆ ತಾಯ್ನಂಟು ತಾಳಿ/

ಬದುಕಿನ ಮಮತೆಯ ಕನಸುಗಳ

ಜೊತೆಯಾದ ಭರವಸೆಯೆ ತಾಳಿ/

ಎ. ಹರೀಶ ಡೋಂಗ್ರೆ, ಅಲ್ಲೆತ್ತಿಮಾರು, 

ಮಾಳ (ವಾಸ ಬೆಂಗಳೂರು)